قالت شاهين: "الفيلم اللى عاملين ضجة عليه، (أصحاب ولا أعز)، لسه شايفاه، فيلم جميل وحقيقى مشاكل حياتية عادية.. إيه يعني لو فيه شخص واحد يقال عنه إنه (مثلي) ولا نرى ذلك.. دى حرية شخصية.. وشخصيات موجودة فى حياتنا، والمجتمع العربى فيه بلاوى أكتر بكتير جدا من اللى اتقدم فى الفيلم".
وأضافت: "مش فاهمة سبب الضجة (المفتعلة) على فيلم معروض على (نتفليكس) فقط.. اللى هى مش موجودة عند الناس العادية أو المتحفظة؛ لأن فيها أفلام أجنبية بها مشاهد جريئة جدا.. يعنى حلال على الفيلم الأجنبي وحرام على الفيلم الناطق بالعربية لمجرد حوار جرئ فى المواجهة وغير معتاد؟ مجتمع مهووس".
وتابعت: "وبالنسبة للمتخلفين بتوع (السينما النظيفة)، مفيش مشهد واحد في الفيلم فيه شئ يخدش حياء المتشددين كصورة، الجرأة فقط فى الحوار بين البطلة وزوجها عندما شكت فيه إنه مثلي، والحوار أيضا لا يوجد فيه لفظ خارج، وعلى فكرة بسبب الهجوم على الفيلم سيكون الأعلى مشاهدة على (نتفليكس)".
واختتمت: "برافو منى زكى، فنانة ناضجة صادقة، أداء رائع، والحقيقة الفيلم مباراة فى التمثيل بين كل ممثليه الرائعين، تحيه لكل من شارك فى الفيلم بقيادة مخرج رائع".
